Тик Ток потврди сајбер напади на некои познати профили

TikTok потврди дека сајбер напад ги таргетирал неколку високо профилни сметки на платформата. Според изјавата на TikTok, се работи за„многу мал број сметки“ кои биле компромитирани.

Претставникот на TikTok, Џејсон Грос, изјави дека тимот за безбедност на TikTok бил неодамна известен за злонамерни актери кои ја таргетирале TikTok сметката на CNN.

Тој додава: Нашиот безбедносен тим беше неодамна известен за злонамерни актери кои ја таргетираа TikTok сметката на CNN. Работиме со медиумската компанија за да го вратиме пристапот до сметката и да додадеме „подобрени безбедносни мерки“.

 TikTok презеде мерки за да го спречи нападот и да ја зачува интегритетот на платформата.

Грос додаде дека компанијата ќе продолжи да мониторира за понатамошни неавтентични активности.

Нападот се случил преку функцијата за директни пораки на платформата, но TikTok не сподели повеќе информации за природата на нападот или бројот на таргетираните сметки.

Од TikTok забележале дека и сметката на реалити ѕвездата Парис Хилтон била таргетирана, но не и компромитирана. CNN сеуште не одговори на барањето за коментар.