Google ја претстави наредната верзија од нивниот голем јазичен модел, Gemini 2.5, а очекувано истиот го промовира како најинтелигентниот модел досега. За разлика од претходната верзија, Gemini 2.5 станува достапен како Gemini 2.5 Pro Experimental, со што ќе им биде достапен само на корисниците кои плаќаат, како и на програмерите преку достапните алатки.
Бесплатните корисници засега oстануваат на Gemini 2.0, јазичен модел кој сепак има одлични способности.
Gemini 2.5, како и претходникот, е од категоријата на сега актуелните јазични модели кои „размислуваат“. Тоа значи дека одговорите се добиваат со претходно подобро разбирање на барањето на корисникот, наместо тоа да се прави најбрзо што може.
Google истакнуваат дека новиот модел е на првото место во повеќе тестови, а посебно ја истакнува способноста за математика и наука, како и програмирање.
Посебно се истакнува подобрувањето во способноста за програмирање во споредба со Gemini 2.0, а генеративната вештачка интелигенција се развива како одлична алатка за програмерите.
Introducing Gemini 2.5, our most intelligent AI model.
— Google (@Google) March 25, 2025
Our first release, an experimental version of 2.5 Pro, unlocks state-of-the-art performance in math and science. 🔥
Learn more 🧵 pic.twitter.com/aoe7egliJb
