Бран од незадоволство го зафати Netflix откако лути корисници јавно изразија фрустрација поради најновото ажурирање на платформата. На социјалните мрежи, многумина признаа дека го напуштиле Netflix и се префрлиле на Prime Video, нарекувајќи го новото искуство „ужасно“ и „неподносливо“.
„Го мразам со жешка страст!“ – напиша еден бесен корисник, додека друг додаде: „Netflix веќе не е тоа што беше. Се префрлив на Prime и не се враќам.“
Новото глобално ажурирање стапи на сила на 19 мај, а според официјалната веб-страница на Netflix, целта е да се олесни пронаоѓањето на содржина и да се добијат поперсонализирани препораки.
„Ново телевизиско искуство е на пат кон вас, кое доаѓа со подобри препораки и подобрен интерфејс што ги истакнува она што е најважно за вас“, објавија од компанијата.
Со новиот изглед, корисниците добиваат:
- Поедноставна навигација
- Подобро организиран и прилагоден дел „Мој Netflix“
- Повеќе информации за филмови и серии
- Појасни препораки според вкусовите на гледачите
Но, наместо воодушевување, многумина реагираа со критики – обвинувајќи го Netflix дека ги комплицирал работите наместо да ги подобри.
🚨 Префрлање кон конкуренцијата
Во меѓувреме, Prime Video полека го зазема просторот кој Netflix почна да го губи. Со понуда без непријатни промени и релативно стабилно корисничко искуство, многумина гледачи велат дека токму Amazon-овата платформа станала нивниот нов дом за стриминг.
Иако од Netflix се надеваат дека новиот дизајн ќе го зголеми ангажманот и ќе им помогне на корисниците полесно да пронајдат интересна содржина, реакциите засега покажуваат дека дел од долгогодишните претплатници не се подготвени да го прифатат новиот изглед толку лесно.
