По бројните критики за користење на AI во документарецот What Jennifer Did, Netflix претстави јасни насоки за своите партнери околу тоа како и кога е дозволено користење на генеративна вештачка интелигенција во процесот на продукција.
Според новите правила, партнерите мораат однапред да го известат Netflix доколку планираат да применат AI. За помали детали правилата нема да бидат ригорозни, но ако AI-содржина заврши во самото дело – на пример, за прикажување актери или користење на туѓи авторски дела – ќе биде потребна писмена дозвола од Netflix за продолжување на снимањето.
Пет основни правила за одговорно користење на AI:
- Резултатите не смеат да реплицираат или значително да ја имитираат препознатливата содржина на други автори или да кршат авторски права.
- Користените AI-алати не смеат да складираат, повторно да користат или тренираат на продукциски податоци.
- Каде што е можно, алатите треба да се користат во сигурна деловна средина.
- Генерираниот материјал е привремен и не смее да биде дел од финалната верзија.
- AI не смее да се користи за замена на уметници или за работи опфатени со синдикални договори без согласност.
Овие насоки доаѓаат само неколку недели откако ко-извршниот директор на Netflix, Тед Сарандос, изјави дека AI ја гледа како прилика за креирање поквалитетни, а не само поевтини серии и филмови, наведувајќи ја аргентинската SF-серија The Eternaut како пример каде AI бил искористен за оптимизација на трошоците.
