|
Getting your Trinity Audio player ready...
|
Помина повеќе од една година откако OpenAI го најави Sora – својот модел за генерирање видео и аудио. Сега OpenAI ја претстави првата големо надградба со Sora 2, кој може да креира пореалистични и физички точни видеа, заедно со подобрена контрола и можности за уредување за корисниците.
Опишана како „момент како GPT 3.5“, Sora 2 исто така носи подобрено аудио со синхронизиран дијалог и звучни ефекти. Sora 2 успева да избегне вообичаени проблеми поврзани со претходните модели за генерирање видеа, како што се деформирање на предмети и изобличување на физичката реалност за да се заврши барањето.
Креираните видеа ќе следат инструкции со повеќе сцени и ќе одржуваат конзистентност низ различни делови. Sora 2 поддржува неколку стилови на видео генерирање, вклучувајќи филмски, реалистичен и аниме.
OpenAI исто така лансира самостојна Sora iOS апликација со систем само по покана. Sora 2 содржи повеќе безбедносни механизми, вклучувајќи ограничувања за користење јавни личности во создавање видеа. OpenAI потврди дека корисниците можат да дадат дозвола на други да креираат „камео“ со нивниот лик, но таа дозвола може да се повлече во секое време.
Првичната достапност на Sora 2 започнува денес и ќе биде ограничена на САД и Канада. Што се однесува до цената, OpenAI потврди дека во почетокот ќе биде бесплатен со „великодушни лимити“ за корисниците да можат да ги истражат неговите можности.
Претплатниците на ChatGPT Pro добиваат пристап до поквалитетниот модел Sora 2 Pro. OpenAI исто така ги потврди плановите наскоро да ја објави API верзијата на Sora 2.
